စည်းစိမ်တို့ကို လေးပုံ ခွဲဝေရာ၏-
ပျားသည် ပန်းပွင့်ကို မထိခိုက်စေမူ၍ ဝတ်ရည်ကိုသာ စုပ်ယူလျက်
ပျားလပို့ကို အားထုတ် ဆောက်လုပ် သကဲ့သို့ မိမိကို လည်းကောင်း၊
သူတစ်ပါးကို လည်းကောင်း မညှဉ်းဆဲ မထိခိုက်စေမူ၍ တရားသဖြင့်
ဥစ္စာပစ္စည်းကို စုဆောင်း ရှာမှီးသော သူ၏ ဥစ္စာစည်းစိမ်တို့သည်
ခြတောင်ပို့ ကြီးပွါးသကဲ့သို့ ကြီးပွါးခြင်းသို့ ရောက်ကုန်၏။
အိမ်ထောင်သည်ဘဝကို တည်ဆောက်နိုင်သော အမျိုးသားသည်
ဤသို့စည်းစိမ်တို့ကို ကောင်းစွာ စုဆောင်း၍ စည်းစိမ်တို့ကို လေးပုံ ခွဲဝေရာ၏။
ထိုသူသည် မိတ်ဆွေ ခင်ပွန်းတို့ကို မကွဲအောင် စည်းရုံးနိုင်၏။
တစ်ပုံဖြင့် စည်းစိမ်ကို ခံစားရာ၏၊
နှစ်ပုံတို့ဖြင့် ကုန်သွယ်မှု စသည် ပြုလုပ်ရာ၏၊
လေးခုမြောက် အပုံကိုကား ဘေးရန်ဖြစ်သော် အသုံးစရိတ်အတွက်ဟု ထားရာ၏။
အရပ် ခြောက်ပါးကို လုံခြုံစေခြင်း-
သူတော်ကောင်းတို့သည် အရပ်ခြောက်ပါးကို မည်သို့လျှင် လုံခြုံစေသနည်းဟူမူ-
အရပ်ခြောက်ပါးတို့ကို သိအပ်ကုန်၏။
၁။ အမိ အဖတို့ကို အရှေ့အရပ် ဟု သိအပ်ကုန်၏။
၂။ ဆရာသမားတို့ကို တောင်အရပ် ဟု သိအပ်ကုန်၏။
၃။ သားမယားတို့ကို အနောက်အရပ် ဟု သိအပ်ကုန်၏။
၎။ ချစ်သော အဆွေခင်ပွန်းတို့ကို မြောက်အရပ် ဟု သိအပ်ကုန်၏။
၅။ အစေအပါး အလုပ်သမားတို့ကို အောက်အရပ် ဟု သိအပ်ကုန်၏။
၆။ သမဏဗြာဟ္မဏတို့ကို အထက်အရပ် ဟု သိအပ်ကုန်၏။
No comments:
Post a Comment